شام کے مسنون اذکار

ترجمہ: اللہ سب سے بڑا ہے۔ سب تعریف اللہ ہی کے لئے ہے۔ اللہ پاک ہے۔ اللہ کے سوا کوئی معبود نہیں۔

فائدہ: نمازِ عصر سے غروبِ آفتاب تک اللہ کا ذکر کرنا اولادِ اسماعیل علیہ السلام میں سے کئی غلام آزاد کرنے سے بہتر ہے۔

(مسند احمد: 22194)

ترجمہ: اللہ وہ ذات ہے کہ اُس کے سوا کوئی معبود نہیں، ہمیشہ زندہ رہنے والا، تمام مخلوق کا سنبھالنے والا ہے۔ نہ اُسے اونگھ آتی ہے نہ نیند۔ اُسی کا ہے جو کچھ آسمانوں میں اور جو کچھ زمین میں ہے۔ کون ہے جو اُس کے پاس اُس کی اجازت کے بغیر سفارش کرے؟ وہ جانتا ہے جو اُن کے سامنے ہے اور جو اُن کے پیچھے ہے، اور وہ اُس کے علم میں سے کسی چیز کا احاطہ نہیں کر سکتے مگر جتنا وہ چاہے۔ اُس کی کرسی آسمانوں اور زمین کو گھیرے ہوئے ہے اور اُن دونوں کی حفاظت اُس پر گراں نہیں، اور وہی عالیشان اور عظیم الشان ہے۔

فائدہ: جو شام کو پڑھے وہ رات تک اور جو صبح کو پڑھے وہ شام تک جنات و شیاطین سے پناہ میں رہے گا۔

(المعجم الکبیر للطبرانی: 542)

ترجمہ: قرآن کریم کی آخری تین سورتیں جنہیں معوذات کہا جاتا ہے: سورۃ الاخلاص، سورۃ الفلق اور سورۃ الناس۔

فائدہ: یہ تینوں سورتیں تمہارے لئے ہر قسم کی چیزوں سے کفایت کر جائیں گی۔

(ابوداؤد: 5082)

ترجمہ: پاک ہے اللہ کی ذات اور اُسی کے لئے ساری تعریف ہے، اُس کی مخلوق کی تعداد کے برابر، اُس کی ذات کی خوشنودی کے برابر، اُس کے عرش کے وزن کے برابر اور اُس کے کلمات کی سیاہی کے برابر۔

فائدہ: یہ کلمات تین مرتبہ کہنا دن بھر کے تمام اذکار کے مقابلے میں وزن میں بھاری ہو جاتا ہے۔

(صحیح مسلم: 2726)

ترجمہ: اللہ کے نام سے ابتداء کرتا ہوں جس کے نام کے ساتھ کوئی چیز زمین و آسمان میں نقصان نہیں پہنچا سکتی، اور وہ سننے والا اور جاننے والا ہے۔

فائدہ: پڑھنے والے کو اُس دن یا اُس رات کوئی نقصان اور ناگہانی آفت نہیں پہنچے گی۔

(ابوداؤد: 5088 ، مسند احمد: 474)

ترجمہ: اے اللہ! تیرے نام ہی سے ہم نے شام کی اور تیرے ہی نام سے ہم نے صبح کی، تیرے ہی نام سے ہم جیتے ہیں اور تیرے ہی نام سے ہم مرتے ہیں اور تیری ہی جانب ہمیں لوٹ کر آنا ہے۔

فائدہ: نبی کریم ﷺ شام کو یہ دعا پڑھا کرتے تھے۔

(ترمذی: 3391)

ترجمہ: ہم نے شام کی اسلام کی فطرت اور اخلاص کے کلمہ پر، اور اپنے نبی حضرت محمد ﷺ کے دین پر اور اپنے والد حضرت ابراہیم علیہ السلام کی ملت پر جو سیدھے سادے مسلمان تھے اور وہ کبھی شرک کرنے والوں میں نہ تھے۔

فائدہ: نبی کریم ﷺ شام کو یہ دعا پڑھا کرتے تھے۔

(سنن کبریٰ نسائی: 9745)

ترجمہ: اے اللہ! اے آسمانوں اور زمین کو پیدا کرنے والے، غیب و حاضر کی تمام باتوں کو جاننے والے، ہر چیز کے پروردگار اور مالک! میں گواہی دیتا ہوں کہ تیرے سوا کوئی معبود نہیں، میں تیری پناہ میں آتا ہوں اپنے نفس کے شر سے اور شیطان کے شر اور اُس کے شرک سے۔

فائدہ: نبی کریم ﷺ نے صبح، شام اور بستر پر جاتے ہوئے یہ کلمات پڑھنے کی تلقین فرمائی ہے۔

(ابوداؤد: 5067)

ترجمہ: ہم نے اور ساری سلطنت نے اللہ کے لئے شام کی، اور اللہ کے لئے ساری تعریفیں ہیں، اللہ کے سوا کوئی معبود نہیں، وہ اکیلا ہے، اُس کا کوئی شریک نہیں، اُسی کے لئے بادشاہت ہے اور اُسی کے لئے ساری تعریف ہے اور وہ ہر چیز پر قدرت رکھتا ہے۔ اے اللہ! میں تجھ سے اِس رات کی اور اِس کے بعد کی خیر و بھلائی کا سوال کرتا ہوں اور اِس رات اور اِس کے بعد کے شر سے تیری پناہ چاہتا ہوں، اور میں سستی اور بُرے بڑھاپے سے تیری پناہ چاہتا ہوں اور جہنم کے اور قبر کے عذاب سے تیری پناہ چاہتا ہوں۔

فائدہ: نبی کریم ﷺ شام کو یہ دعا پڑھا کرتے تھے۔

(ترمذی: 3390)

ترجمہ: میں اللہ کے پروردگار ہونے پر، اسلام کے دین ہونے پر اور حضرت محمد ﷺ کے نبی ہونے پر راضی ہوں۔

فائدہ: اللہ تعالیٰ نے ذمہ لے لیا ہے کہ قیامت کے دن اُسے راضی کر دیں گے، اور جس نے یہ تین کلمات کہے وہ جنت میں داخل ہوگا۔

(مسند احمد: 18967 ، مسلم: 34)

ترجمہ: اے اللہ! میرے جسم میں عافیت نصیب فرما۔ اے اللہ! میرے کانوں میں عافیت نصیب فرما۔ اے اللہ! میری آنکھ میں عافیت نصیب فرما۔ تیرے سوا کوئی معبود نہیں۔ اے اللہ! میں کفر اور فقر سے تیری پناہ چاہتا ہوں، اور قبر کے عذاب سے تیری پناہ چاہتا ہوں، تیرے سوا کوئی معبود نہیں۔

فائدہ: نبی کریم ﷺ صبح و شام یہ دعا پڑھا کرتے تھے۔

(ابوداؤد: 5090)

ترجمہ: اے وہ ذات جو سدا زندہ ہے اور ساری کائنات سنبھالے ہوئے ہے! میں تیری رحمت ہی سے فریاد طلب کرتا ہوں، میرے تمام احوال کی اصلاح فرما اور ایک پلک جھپکنے کے برابر بھی مجھے میرے نفس کے حوالے نہ فرما۔

فائدہ: نبی کریم ﷺ نے حضرت فاطمہؓ کو یہ کلمات سکھائے اور صبح و شام پڑھنے کی وصیت فرمائی۔

(مستدرکِ حاکم: 2000 ، ترمذی: 3524)

ترجمہ: اے اللہ! آپ ہی میرے پالنہار ہیں، آپ کے سوا کوئی عبادت کے لائق نہیں۔ آپ ہی نے مجھے پیدا کیا اور میں آپ کا حقیقی غلام ہوں، اور جہاں تک میرے بس میں ہے میں آپ سے کئے ہوئے عہد اور وعدے پر قائم ہوں۔ آپ کی پناہ چاہتا ہوں اُن تمام بُرے کاموں کے وبال سے جو میں نے کئے ہیں۔ میں آپ کے سامنے آپ کی اُن نعمتوں کا اقرار کرتا ہوں جو مجھ پر ہیں، اور مجھے اپنے گناہ کا اعتراف ہے، اس لئے میرے گناہوں کو معاف کر دیجئے، کیونکہ آپ کے سوا کوئی گناہوں کو نہیں بخشتا۔

فائدہ: سید الاستغفار ہے؛ جو شام کو پڑھے اور اُسی رات انتقال کر جائے وہ جنتی ہے۔

(بخاری: 6306)

ترجمہ: اے اللہ! میں تجھ سے دنیا و آخرت میں عافیت کا سوال کرتا ہوں۔ اے اللہ! میں تجھ سے اپنے دین، دنیا، اہل اور مال میں عفو و درگزر اور عافیت کا سوال کرتا ہوں۔ اے اللہ! میرے عیوب کی پردہ پوشی فرما، میرے خوف کو امن میں تبدیل فرما، اور حفاظت فرما میرے سامنے سے، میرے پیچھے سے، میرے دائیں جانب سے، میری بائیں جانب سے اور میرے اوپر سے، اور میں تیری عظمت کی پناہ چاہتا ہوں اِس بات سے کہ میں اپنے نیچے کی جانب سے ہلاک کیا جاؤں۔

فائدہ: نبی کریم ﷺ صبح و شام اِن کلمات کو کبھی ترک نہیں فرماتے تھے۔

(ابن ماجہ: 3871)

ترجمہ: میں اللہ تعالیٰ کے تمام کلمات (یعنی اسماء و صفات) کی پناہ میں آتا ہوں اُس کی پیدا کردہ تمام چیزوں کے شر سے۔

فائدہ: اِن کلمات کے پڑھنے والے کو کوئی موذی چیز نہیں کاٹے گی۔

(ترمذی: 3604 ، ابوداؤد: 3899)

ترجمہ: اللہ کے سوا کوئی معبود نہیں، وہ اکیلا ہے، اُس کا کوئی شریک نہیں، اُسی کے لئے بادشاہت ہے اور اُسی کے لئے تعریف ہے، وہی زندہ کرتا اور وہی موت دیتا ہے، اُس کے ہاتھ میں ساری بھلائی ہے اور وہ ہر چیز پر قادر ہے۔

فائدہ: مغرب اور فجر کی نماز کے بعد دس مرتبہ پڑھنے پر سو نیکیاں، سو گناہ معاف، دس درجات بلند، ہر آفت اور شیطان سے حفاظت ملتی ہے۔

(مسند احمد: 17990)

ترجمہ: اے اللہ! مجھے آگ (جہنم) سے پناہ عطا فرما۔

فائدہ: فجر اور مغرب کی نماز کے بعد سات مرتبہ کہنے والا اگر اُس دن مر جائے تو جہنم سے بری ہو جائے گا۔

(ابوداؤد: 5079)

ترجمہ: اے اللہ! جو بھی نعمت میرے پاس یا تیری مخلوق میں سے کسی کے پاس بھی شام کے وقت موجود ہے تو وہ صرف تنہا تیری ہی جانب سے ہے، تیرا کوئی شریک نہیں، پس تیرے لئے ہی ساری تعریف اور شکر ہے۔

فائدہ: صبح و شام پڑھنے والے کی جانب سے اُس دن اور اُس رات کا شکر ادا ہو جائے گا۔

(ابوداؤد: 5073 ، شعب الایمان: 4059)

ترجمہ: اے اللہ! میں نے شام کی، میں تجھے، تیرے عرش کو اُٹھانے والے فرشتوں کو اور تمام فرشتوں کو اور تیری تمام مخلوقات کو اِس بات پر گواہ بناتا ہوں کہ بیشک تو ہی اللہ ہے، تیرے سوا کوئی معبود نہیں، تو اکیلا ہے، تیرا کوئی شریک نہیں، اور یہ کہ حضرت محمد ﷺ تیرے بندے اور تیرے رسول ہیں۔

فائدہ: پڑھنے والے کے اُس رات کے گناہ معاف کر دیئے جاتے ہیں، اور ایک دفعہ کہنے پر چوتھائی جسم جہنم سے آزاد کر دیا جاتا ہے۔

(ابوداؤد: 5078)

ترجمہ: اللہ پاک ہے اور اسی کی تعریف ہے۔

فائدہ: جو آدمی صبح و شام سو مرتبہ یہ پڑھتا ہے، قیامت کے دن کوئی اس سے زیادہ افضل عمل نہیں لا سکتا سوائے اُس کے جس نے اِس کے برابر یا زیادہ پڑھا ہو۔

(صحیح مسلم: 6843)

ترجمہ: اے اللہ! میں نے تیری جانب سے نعمت، عافیت اور پردہ پوشی کی حالت میں شام کی، پس تو مجھ پر اپنی نعمت، عافیت اور پردہ پوشی کو دنیا و آخرت میں مکمل فرما۔

فائدہ: شام کو تین مرتبہ پڑھنے والے پر اللہ نے اپنے ذمہ لازم کیا ہے کہ اُس پر اپنی نعمتیں مکمل فرمائیں گے۔

(ابن سنی: 55)

ترجمہ: اللہ جو چاہے، گناہوں سے بچنے کی طاقت اور نیک کام کرنے کی قوت صرف اللہ تعالیٰ ہی کی جانب سے ہے، میں گواہی دیتا ہوں کہ اللہ ہر چیز پر قدرت رکھنے والا ہے۔

فائدہ: اُسے اُس رات کا بہترین رزق عطا کیا جائے گا اور اُس رات کا شر دور کر دیا جائے گا۔

(عمل الیوم و اللیلۃ لابن السنی: 53)

ترجمہ: تمام تعریفیں اللہ ہی کے لئے ہیں جو میرا پروردگار ہے، میں اُس کے ساتھ کسی بھی چیز کو شریک نہیں ٹھہراتا، اور میں گواہی دیتا ہوں کہ اللہ کے سوا کوئی معبود نہیں ہے۔

فائدہ: پڑھنے والا رات بھر اِس حالت میں گزارتا ہے کہ اُس کی مغفرت کر دی جاتی ہے۔

(طبرانی کبیر: 635)

ترجمہ: میں اللہ تعالیٰ کے تمام کلمات (یعنی اسماء و صفات) کی پناہ میں آتا ہوں ہر شیطان اور ڈسنے والے جانور سے اور ہر ملامت کرنے والی آنکھ سے۔

فائدہ: نظرِ بد سے حفاظت کے لئے بہترین کلمات ہیں، نبی کریم ﷺ حضرت حسن و حسینؓ کو اِنہی کلمات سے اللہ کی پناہ میں دیتے تھے۔

(بخاری: 3371)

ترجمہ: میں اللہ تعالیٰ کے تمام کلمات کی پناہ میں آتا ہوں اُس کے غضب و غصہ سے اور اُس کے عذاب سے اور اُس کے بندوں کے شر سے اور شیاطین کے وسوسوں سے، اور اے میرے پروردگار! تیری پناہ چاہتا ہوں اِس سے کہ وہ (شیطان) میرے پاس بھی آئیں۔

فائدہ: خوف و گھبراہٹ سے حفاظت اور اُس کیفیت کو دور کرنے کے لئے بہترین کلمات ہیں۔

(ابوداؤد: 3893 ، ترمذی: 3528)

ترجمہ: میں اللہ تعالیٰ کے تمام کلمات کی پناہ میں آتا ہوں جن سے نہ کوئی نیک آگے بڑھ سکتا ہے نہ گناہ گار؛ ہر اُس چیز کے شر سے جس کو اللہ نے پیدا کیا، پھیلایا اور وجود دیا، اور ہر اُس چیز کے شر سے جو آسمان سے اترتی ہے اور جو آسمان پر چڑھتی ہے، اور ہر اُس چیز کے شر سے جو زمین کے اندر پیدا ہوتی ہے اور جو زمین سے نکلتی ہے، اور رات دن کے فتنوں کے شر سے اور رات دن کے ناگہانی واقعات و حادثات کے شر سے، بجز اُس اچھے واقعہ کے، اے رحمٰن!

فائدہ: شیاطین و جنات اور ہر قسم کے فتنوں سے حفاظت کے جامع کلمات ہیں۔

(مسند احمد: 15446)

ترجمہ: میں اللہ عظیم کی پناہ میں آتا ہوں جس سے کوئی چیز بڑی نہیں، اور اُس کے تمام کلمات کی پناہ میں آتا ہوں جن سے نہ کوئی نیک بچ سکتا ہے نہ بد، اور اللہ تعالیٰ کے تمام بہترین ناموں کی پناہ میں آتا ہوں جن کو میں جانتا ہوں اور جن کو میں نہیں جانتا؛ ہر اُس چیز کے شر سے جس کو اللہ نے پیدا کیا، پھیلایا اور وجود دیا۔

فائدہ: جادو اور سحر کے اثرات سے بچنے کے لئے بہت ہی مفید اور بہترین کلمات ہیں۔

(مؤطا مالک: 2002)

ترجمہ: اے اللہ! میں تیری پناہ میں آتا ہوں اِس سے کہ میں جانتے بوجھتے تیرے ساتھ کسی کو شریک ٹھہراؤں، اور میں تجھ سے مغفرت چاہتا ہوں اُس (شرک) سے جس کو میں نہیں جانتا۔

فائدہ: چھوٹے بڑے تمام طرح کے شرک سے بچنے کے لئے نبی کریم ﷺ نے روزانہ تین مرتبہ پڑھنے کی تلقین فرمائی ہے۔

(مسند ابویعلیٰ موصلی: 58)

ترجمہ: میں شیطان مردود سے اللہ تعالیٰ کی پناہ میں آتا ہوں جو سننے اور جاننے والا ہے۔

فائدہ: یہ تعوذ پڑھنے والا شیطان سے محفوظ ہو جاتا ہے؛ اِس کے بعد سورۃ الحشر کی آخری تین آیات پڑھنے پر ستر ہزار فرشتے رحمت کی دعا کرتے ہیں۔

(عمل الیوم و اللیلۃ لابن السنی: 49 ، ترمذی: 2922)

ترجمہ: اے اللہ! تو میرا پروردگار ہے، تیرے سوا کوئی معبود نہیں، میں نے تجھ ہی پر بھروسہ کیا اور تو بزرگی والے عرش کا رب ہے۔ جو اللہ نے چاہا وہ ہو گیا اور جو نہیں چاہا وہ نہیں ہوا۔ گناہوں سے بچنے کی طاقت اور نیک کام کرنے کی قوت صرف اللہ ہی کی جانب سے ہے جو عظمت والا بلند و برتر ہے۔ میں جانتا ہوں کہ اللہ ہر چیز پر قدرت رکھتا ہے اور بیشک اللہ تعالیٰ نے ہر چیز کا علم کے اعتبار سے احاطہ کر رکھا ہے۔ اے اللہ! میں تیری پناہ چاہتا ہوں اپنے نفس کے شر سے اور ہر اُس چلنے والے کے شر سے جس کی پیشانی تیرے قبضے میں ہے، بیشک میرا رب سیدھے راستے پر ہے۔

فائدہ: مصائب، حوادث اور ہر قسم کے شر سے حفاظت کی جامع دعا ہے۔

(ابوداؤد: 5074)

ترجمہ: اے اللہ! اے ساتوں آسمانوں اور عظیم عرش کے پروردگار! میرے ہر اہم کام کے لئے کافی ہو جا، جس طرح تو چاہے، جس جگہ سے تو چاہے اور جہاں کہیں تو چاہے۔ اللہ میرے دین کے لئے کافی ہے، اللہ میری دنیا کے لئے کافی ہے، اللہ میرے لئے کافی ہے اُس معاملے میں جو مجھے اہم ہے، اللہ میرے لئے کافی ہے اُس کے مقابلے میں جو مجھ پر زیادتی کرے، اللہ میرے لئے کافی ہے اُس کے مقابلے میں جو مجھ سے حسد کرے، اللہ میرے لئے کافی ہے اُس کے مقابلے میں جو میرے خلاف بُری چال چلے، اللہ میرے لئے کافی ہے موت کے وقت، اللہ میرے لئے کافی ہے قبر میں سوال کے وقت، اللہ میرے لئے کافی ہے نامۂ اعمال تُلنے کے وقت، اللہ میرے لئے کافی ہے پُل صراط سے گزرنے کے وقت۔ اللہ میرے لئے کافی ہے، اُس کے سوا کوئی معبود نہیں، اُسی پر میں نے بھروسہ کیا اور وہ عرشِ عظیم کا مالک ہے۔

فائدہ: غم اور فکر دور ہو جاتے ہیں اور دنیا و آخرت کے تمام مراحل میں کفایت ہو جاتی ہے۔

(مکارم الاخلاق للخرائطی: 1037 ، حکیم ترمذی)

ترجمہ: اللہ میرے لئے کافی ہے، اُس کے سوا کوئی معبود نہیں، اُسی پر میں نے بھروسہ کیا اور وہ عرشِ عظیم کا مالک ہے۔

فائدہ: پڑھنے والے کے ہر اہم کام کے لئے اللہ کفایت فرمائے گا۔

(ابوداؤد: 5081)

ترجمہ: اللہ تعالیٰ کے نام کے ساتھ میری جان اور دین کی حفاظت ہے، اللہ ہی کے نام سے میرے اہل و مال اور اولاد کی حفاظت ہے، اللہ ہی کے نام سے اُن سب نعمتوں کی حفاظت ہے جو اُس نے مجھے عطا فرمائیں۔ اللہ ہی میرا رب ہے، میں اُس کے ساتھ کسی کو شریک نہیں کرتا۔ اللہ سب سے بڑا ہے، اللہ سب سے بڑا ہے، اللہ سب سے بڑا اور غالب و برتر ہے اُس ہر چیز سے جس سے میں ڈرتا اور بچتا ہوں۔ تیری پناہ غالب ہے، تیری تعریف بلند ہے اور تیرے سوا کوئی معبود نہیں۔ اے اللہ! میں تیری پناہ چاہتا ہوں اپنے نفس کے شر سے، ہر سرکش شیطان کے شر سے اور ہر ضدی جابر کے شر سے۔ پھر اگر وہ منہ پھیر لیں تو کہہ دیجئے کہ مجھے اللہ کافی ہے، اُس کے سوا کوئی معبود نہیں، اُسی پر میں نے بھروسہ کیا اور وہ عرشِ عظیم کا مالک ہے۔ بیشک میرا مددگار اللہ ہے جس نے کتاب نازل کی اور وہی نیک لوگوں کا مددگار ہے۔

فائدہ: حفاظت کی ایک بہترین اور جامع دعا ہے جس سے آفات دور ہو جاتی ہیں۔

(ابن سنی: 51 ، ابوداؤد: 1525)

ترجمہ: میرا پروردگار اللہ ہے، جس کے سوا کوئی معبود نہیں، وہ بلند و برتر اور عظمت والا ہے۔ اللہ پر ہی میں نے بھروسہ کیا اور وہ عرشِ عظیم کا مالک ہے۔ جو اللہ نے چاہا وہ ہوا اور جو اُس نے نہیں چاہا وہ نہیں ہوا۔ میں جانتا ہوں کہ اللہ ہر چیز پر قادر ہے اور یہ کہ اللہ تعالیٰ نے ہر چیز کا علم کے اعتبار سے احاطہ کر رکھا ہے۔

فائدہ: جو صبح شام یہ کلمات کہے اور اُس دن مر جائے تو جنت میں داخل ہوگا۔

(عمل الیوم و اللیلۃ لابن السنی: 42 ، سنن کبریٰ نسائی: 9756)

ترجمہ: اے اللہ! تیرے لئے ہی ساری تعریفیں ہیں، تیرے سوا کوئی معبود نہیں، تو میرا رب اور میں تیرا بندہ ہوں، میں تجھ پر اپنے دین کو خالص کرتے ہوئے ایمان لایا، میں نے اپنی استطاعت کے مطابق تیرے عہد اور وعدے کے ساتھ شام کی، میں تیری جانب رجوع کرتا ہوں اپنے عمل کے شر سے اور تجھ سے اپنے گناہوں کی معافی مانگتا ہوں، وہ تمام گناہ جو تیرے سوا کوئی معاف نہیں کر سکتا۔

فائدہ: جس نے شام کے وقت تین مرتبہ یہ کلمات پڑھے پھر اُس رات انتقال کر جائے تو وہ ضرور جنت میں داخل ہوگا۔

(طبرانی اوسط: 3096)

ترجمہ: اے اللہ! اے ساتوں آسمانوں اور اُن تمام چیزوں کے پروردگار جن پر وہ آسمان سایہ فگن ہیں، اور اے زمینوں اور اُن تمام چیزوں کے پروردگار جنہیں اُن زمینوں نے اُٹھایا ہوا ہے، اور اے شیطانوں اور اُن تمام چیزوں کے پروردگار جنہیں اُن شیاطین نے گمراہ کیا ہے! تو مجھے اپنی ساری کی ساری مخلوقات کے شر سے پناہ دیدے اِس بات سے کہ اُن میں سے کوئی مجھ پر زیادتی یا ظلم کرے۔ تیری پناہ غالب ہے، تیری تعریف بہت بڑی ہے اور تیرے علاوہ کوئی معبود نہیں اور معبود صرف تو ہی ہے۔

فائدہ: نبی کریم ﷺ نے بستر پر جاتے ہوئے یہ دعا پڑھنے کی تعلیم دی ہے؛ صبح و شام بھی پڑھنا بہت خوب ہے۔

(ترمذی: 3523)

ترجمہ: لہٰذا اللہ کی تسبیح بیان کرو اُس وقت بھی جب تمہارے پاس شام آتی ہے اور اُس وقت بھی جب صبح طلوع ہوتی ہے، اور اُسی کی حمد ہوتی ہے آسمانوں میں بھی اور زمین میں بھی اور سورج ڈھلنے کے وقت بھی اور اُس وقت بھی جب تم پر ظہر کا وقت آتا ہے۔ وہ جاندار کو بے جان سے نکال لاتا ہے اور بے جان کو جاندار سے نکال لاتا ہے اور وہ زمین کو اُس کے مردہ ہو جانے کے بعد زندگی بخشتا ہے اور اِسی طرح تم کو (قبروں سے) نکال لیا جائے گا۔

فائدہ: اِن آیات کے پڑھنے سے اُس دن کے چھوٹے ہوئے تمام معمولات کی تلافی ہو جائے گی۔

(سورۃ الروم: 17-19 ، ابوداؤد: 5076)

ترجمہ: اللہ کے لئے تسبیح ہے اُن تمام مخلوقات کی تعداد کے برابر جو اُس نے آسمان میں پیدا کی، اور اللہ کے لئے تسبیح ہے اُن تمام مخلوقات کی تعداد کے برابر جو اُس نے زمین میں پیدا کی، اور اللہ کے لئے تسبیح ہے اُن تمام مخلوقات کی تعداد کے برابر جو آسمان و زمین کے درمیان پیدا کی، اور اللہ کے لئے تسبیح ہے اُن تمام مخلوقات کی تعداد کے برابر جو وہ پیدا کرنے والا ہے۔ اور 'اللہ اکبر' بھی اِسی طرح ہے، 'الحمد للہ' بھی اِسی طرح ہے اور 'لا حول ولا قوۃ الا باللہ' بھی اِسی طرح ہے۔

فائدہ: مختصر لیکن بہت ہی جامع کلمات ہیں جن سے کم وقت میں زیادہ اجر و ثواب جمع ہو جاتا ہے۔

(ترمذی: 3568)