رات کے مسنون اذکار

ترجمہ: اے اللہ! آپ ہی نے میری ذات کو پیدا کیا ہے اور آپ ہی اُس کو وفات دیں گے، آپ ہی کے قبضہ میں اُس کی موت اور زندگی ہے۔ اگر آپ اُسے زندہ رکھیں تو اُس کی حفاظت کیجئے اور اگر اُسے موت دیں تو اُسے معاف کر دیجئے۔ اے اللہ! میں آپ سے عافیت کا سوال کرتا ہوں۔

فائدہ: سوتے وقت اپنی جان کو اللہ کے سپرد کرنے اور عافیت مانگنے کی جامع دعا۔

(مسلم: 2712)

ترجمہ: اے اللہ! میں آپ ہی کے نام سے مرتا اور زندہ ہوتا ہوں۔

فائدہ: نبی کریم ﷺ بستر پر جاتے وقت یہ کلمات پڑھا کرتے تھے۔

(بخاری: 6314)

ترجمہ: تمام تعریفیں اللہ کے لئے ہیں جس نے ہمیں کھلایا، پلایا، ہمیں کفایت بخشی اور ہمیں ٹھکانا دیا، پس کتنے ہی ایسے ہیں جن کے لئے کوئی کفایت کرنے والا اور کوئی ٹھکانا دینے والا نہیں۔

فائدہ: رات کی نعمتوں پر اللہ کا شکر ادا کرنے کے کلمات۔

(مسلم: 2715)

ترجمہ: اے اللہ! میں نے اپنی ذات کو آپ کے سامنے جھکا دیا، اپنا رُخ آپ کی جانب پھیر دیا، اپنے تمام اُمور آپ کے حوالے کر دیئے، اپنی پیٹھ آپ کی طرف کر دی، آپ کی رغبت رکھتے ہوئے اور آپ سے ڈرتے ہوئے، آپ کے سوا کوئی جائے پناہ اور کوئی جائے نجات نہیں، میں آپ کی نازل کردہ کتاب پر اور آپ کے بھیجے ہوئے رسول پر ایمان لایا۔

فائدہ: جو شخص یہ کلمات پڑھ کر سوئے اور اُسی رات اُس کا انتقال ہو جائے تو وہ فطرتِ اسلام پر مرتا ہے۔

(بخاری: 6315)

ترجمہ: اللہ کے نام ہی سے میں نے اپنا پہلو (بستر پر) رکھا، اے اللہ! میری مغفرت فرما دے، میرے شیطان کو ذلیل کر دے، میری گردن (ہر قسم کے قرض وغیرہ کے حق اور جہنم کی آگ سے) چھڑا دے اور مجھے اعلیٰ طبقہ میں شامل کر دے۔

فائدہ: سوتے وقت مغفرت، شیطان سے حفاظت اور بلند مقام کی دعا۔

(ابوداؤد: 5054)

ترجمہ: اے اللہ! میں تیری معزز ذات اور مکمل کلمات (اسماء و صفات) کی پناہ چاہتا ہوں اُن تمام چیزوں کے شر سے جن کی پیشانی تیرے قبضہ قدرت میں ہے۔ اے اللہ! تو ہی قرض اور گناہ کو دور کرنے والا ہے۔ اے اللہ! تیرا لشکر شکست نہیں کھا سکتا، تیرے وعدے کے خلاف نہیں ہو سکتا اور کسی مالدار کو اُس کی مالداری تیرے مقابلے میں کوئی نفع نہیں دے سکتی، تیری ذات پاک ہے اور تمام تعریفیں تیرے لئے ہیں۔

فائدہ: ہر قسم کے شر، قرض اور گناہ سے اللہ کی پناہ کی جامع دعا۔

(ابوداؤد: 5052)

ترجمہ: اے اللہ! اے آسمانوں اور زمینوں کے اور ہر چیز کے پروردگار! اے دانے اور گٹھلی کو پھاڑنے والے اور تورات، انجیل اور قرآنِ کریم نازل کرنے والے! میں تیری پناہ چاہتا ہوں ہر اُس شر رکھنے والی چیز کے شر سے جس کی پیشانی تیرے قبضہ قدرت میں ہے۔ تو ہی اوّل ہے، تجھ سے پہلے کوئی نہیں، تو ہی آخر ہے، تیرے بعد کوئی نہیں، اور ظاہر ہے، تجھ سے اوپر کوئی نہیں، اور باطن ہے، تیرے علاوہ کوئی نہیں۔ اے اللہ! میرا قرض ادا کر دے اور مجھے فقر سے نکال کر غنی بنا دے۔

فائدہ: سوتے وقت شر سے حفاظت، قرض کی ادائیگی اور غنا کی جامع دعا۔

(ترمذی: 3400)

ترجمہ: میں اللہ سے مغفرت چاہتا ہوں جس کے سوا کوئی معبود نہیں، وہ ہمیشہ زندہ رہنے والا اور خوب تھامنے والا ہے، اور میں اُسی کی جانب رجوع کرتا ہوں۔

فائدہ: جس نے بستر پر جاتے ہوئے یہ کلمات تین مرتبہ پڑھ لیے اللہ تعالیٰ اُس کے گناہ معاف کر دیں گے، اگرچہ وہ سمندر کے جھاگ، درخت کے پتوں، ریت کے ذروں اور دنیا کے دنوں کی تعداد کے برابر ہوں۔

(ترمذی: 3397)

ترجمہ: تمام تعریفیں اللہ کے لئے ہیں جس نے مجھ پر احسان کیا اور خوب کیا، تمام تعریفیں اللہ کے لئے ہیں جو تمام جہانوں کا اور ہر چیز کا پروردگار اور ہر چیز کا معبود ہے، اے اللہ! میں جہنم کی آگ سے تیری پناہ چاہتا ہوں۔

فائدہ: سوتے وقت اللہ کی حمد اور جہنم سے پناہ کے کلمات۔

(مسند البزار: 10/281)

ترجمہ: تمام تعریفیں اللہ کے لئے ہیں جس نے مجھے کفایت بخشی، مجھے ٹھکانا دیا، مجھے کھلایا اور پلایا، اور جس نے مجھ پر احسان کیا اور خوب کیا، اور جس نے مجھے عطا کیا اور خوب دیا۔ ہر حال میں اللہ کے لئے تمام تعریفیں ہیں۔ اے اللہ! اے ہر چیز کے پروردگار اور مالک! اے ہر چیز کے معبود! میں جہنم کی آگ سے تیری پناہ چاہتا ہوں۔

فائدہ: رات کو اللہ کی نعمتوں کا شکر اور جہنم سے پناہ۔

(ابوداؤد: 5058)

ترجمہ: اے میرے رب! تیرے ہی نام سے میں نے اپنا پہلو (بستر پر) رکھا اور تیرے ہی نام سے میں اسے اُٹھاؤں گا۔ اگر تو میری روح کو روک لے (یعنی موت دیدے) تو اُس پر رحم کرنا اور اگر اُسے چھوڑ دے تو اُس کی حفاظت کرنا جیسے تو اپنے نیک بندوں کی حفاظت کرتا ہے۔

فائدہ: بستر پر لیٹتے وقت پڑھی جانے والی مسنون دعا۔

(بخاری: 6320)

ترجمہ: اے اللہ! میں تیرے ہی نام سے اپنا پہلو (بستر پر) رکھتا ہوں، پس تو میرے گناہ معاف کر دے۔

فائدہ: نبی کریم ﷺ نے ایک شخص کے یہی کلمات پڑھنے پر فرمایا: «أَصَبْتَ، وَفَّقَكَ اللّٰهُ» یعنی بالکل صحیح، اللہ تمہیں مزید توفیق عطا فرمائے۔

(طبرانی کبیر: 116)

ترجمہ: اے اللہ! مجھے اپنے عذاب سے اُس (قیامت کے) دن بچا لینا جس دن تو اپنے بندوں کو (مرنے کے بعد) اُٹھائے گا۔

فائدہ: حضرت حفصہ رضی اللہ عنہا فرماتی ہیں کہ نبی کریم ﷺ جب سونے کا اِرادہ فرماتے تو دایاں ہاتھ رخسار کے نیچے رکھ کر تین مرتبہ یہ پڑھتے تھے۔

(ابوداؤد: 5045)

ترجمہ: میں اللہ کے مکمل کلمات (یعنی اسماء و صفات) کی پناہ میں آتا ہوں اُن تمام چیزوں کے شر سے جو اللہ نے پیدا کی ہیں۔

فائدہ: جو شخص بستر پر جاتے ہوئے یہ کلمات پڑھ لے اُسے بچھو وغیرہ کوئی نقصان نہیں پہنچاتا۔

(طبرانی اوسط: 7093 ، ترمذی: 3604)

ترجمہ: اے اللہ! میں شر سے تیری پناہ چاہتا ہوں اِس حال میں کہ اُس سے محبت کی جائے، اور بھوک سے کہ جو ہم خواب بن جائے۔

فائدہ: نبی کریم ﷺ جب اپنے بستر پر تشریف لاتے تو یہ دعا پڑھتے تھے۔

(طبرانی اوسط: 7196)

ترجمہ: اے اللہ! اے آسمانوں اور زمین کو پیدا کرنے والے، غیب اور حاضر کو جاننے والے! تو ہر چیز کا پروردگار اور ہر چیز کا معبود ہے۔ میں گواہی دیتا ہوں کہ تیرے سوا کوئی معبود نہیں، تو اکیلا ہے، تیرا کوئی شریک نہیں، اور گواہی دیتا ہوں کہ محمد ﷺ تیرے بندے اور رسول ہیں، اور فرشتے بھی اِس بات کی گواہی دیتے ہیں۔ میں شیطان سے اور اُس کے شرک (میں مبتلا کرنے) سے تیری پناہ چاہتا ہوں، اور میں تیری پناہ چاہتا ہوں اِس بات سے کہ اپنے نفس پر کوئی بُرائی کا اِرتکاب کروں یا اُس کو کسی مسلمان کی جانب منسوب کروں۔

فائدہ: نبی کریم ﷺ حضرت عبد اللہ بن عمرو رضی اللہ عنہ کو یہ دعا سکھاتے اور سونے کے وقت پڑھنے کی تلقین فرماتے تھے۔

(مسند احمد: 6597)

ترجمہ: تمام تعریفیں اللہ کے لئے ہیں جو بلند و برتر اور غالب ہے، مخفی ہے اور خوب خبر رکھنے والا ہے، اور مالک ہے اور ہر چیز پر قادر ہے۔ تمام تعریفیں اللہ کے لئے ہیں جو زندہ کرتا اور موت دیتا ہے، اور وہ ہر چیز پر قدرت رکھتا ہے۔

فائدہ: حدیث کے مطابق جس نے بستر پر جا کر یہ دعا پڑھ لی وہ اپنے گناہوں سے اُس دن کی طرح پاک ہو کر نکل جاتا ہے جس دن اُس کی ماں نے اُسے جنا تھا۔

(طبرانی اوسط: 7891)

ترجمہ: میں اللہ پر ایمان لایا، اور میں نے شیطان کو جھٹلایا، اللہ کا وعدہ سچا ہے اور رسولوں نے سچ فرمایا۔ اے اللہ! میں تیری پناہ چاہتا ہوں اِس رات کے (ناگہانی) واقعات اور حادثوں سے، بجز اُس اچھے واقعہ کے جو خیر لے کر آئے۔

فائدہ: رات کے ناگہانی حوادث سے حفاظت کی دعا۔

(طبرانی کبیر: 3454)

ترجمہ: اے اللہ! میں تیری معافی کی پناہ میں آتا ہوں تیری سزا سے، اور میں تیری رضا و خوشنودی کی پناہ میں آتا ہوں تیری ناراضگی سے، اور میں تجھ سے تیری پناہ میں آتا ہوں۔ اے اللہ! اگرچہ مجھے (تیری حمد و ثنا کی) کتنی ہی حرص ہو، میں تیری ثنا و تعریف کی اِستطاعت نہیں رکھتا، لیکن تو ویسا ہی ہے جیسا تو نے خود اپنی ذات کی تعریف کی ہے۔

فائدہ: حضرت علی رضی اللہ عنہ فرماتے ہیں کہ نبی کریم ﷺ نماز سے فارغ ہو کر بستر پر جاتے ہوئے یہ دعا پڑھتے تھے۔

(طبرانی اوسط: 1992)

ترجمہ: اللہ کے سوا کوئی معبود نہیں، وہ اکیلا ہے، اُس کا کوئی شریک نہیں، اُسی کے لئے ساری بادشاہت ہے اور اُسی کے لئے ساری تعریفیں ہیں، اور وہ ہر چیز پر قادر ہے۔ اللہ کی ذات پاک ہے اور اُس کے لئے ساری تعریفیں ہیں، تمام تعریفیں اللہ ہی کے لئے ہیں، اللہ کے سوا کوئی معبود نہیں اور اللہ بہت بڑا ہے۔

فائدہ: جس نے بستر پر جاتے ہوئے یہ کلمات پڑھ لیے اُس کے گناہ معاف کر دیے جائیں گے اگرچہ وہ سمندر کے جھاگ کے برابر ہی کیوں نہ ہوں۔

(مصنف ابن ابی شیبہ: 29307)

ترجمہ: سورۃ الاخلاص، سورۃ الفلق اور سورۃ الناس — تینوں سورتیں صبح و شام تین تین مرتبہ پڑھیں۔

فائدہ: جو شخص سورۃ اخلاص، سورۃ فلق اور سورۃ ناس صبح و شام تین مرتبہ پڑھ لے اُس کی ہر چیز سے کفایت ہو جائے گی۔

(صحیح ترمذی: 3/182 ، ابوداؤد: 4/805)

ترجمہ: اللہ تعالیٰ ہی مجھے کافی ہے، اُس کے علاوہ کوئی عبادت کے لائق نہیں، اُسی پر میں نے بھروسہ کیا اور وہ عظیم عرش کا مالک ہے۔

فائدہ: جو شخص صبح و شام یہ دعا سات مرتبہ پڑھ لے تو اللہ تعالیٰ اُس کے دنیا و آخرت کے کاموں میں کفایت کرے گا۔

(ابوداؤد ، حیاۃ الصحابہ: ج3 ص342)

ترجمہ: اے اللہ! میں نے اِس حالت میں صبح کی ہے کہ میں آپ کو گواہ بناتا ہوں اور گواہ بناتا ہوں آپ کے عرش اٹھانے والے فرشتوں کو، اور آپ کے تمام فرشتوں کو اور آپ کی تمام مخلوق کو کہ یقیناً آپ ہی اللہ ہیں، آپ کے سوا کوئی معبود نہیں، آپ تنہا ہیں، آپ کا کوئی ساجھی نہیں، اور یہ کہ محمد ﷺ آپ کے بندے اور رسول ہیں۔

فائدہ: جو شخص صبح و شام چار مرتبہ یہ دعا پڑھ لے تو اللہ تعالیٰ اُس کو جہنم سے آزاد فرما دیتے ہیں۔ (شام کو 'أَصْبَحْتُ' کی جگہ 'أَمْسَيْتُ' کہے)

(ابوداؤد: 3/317 ، بخاری فی الادب المفرد: 1201)

ترجمہ: اے اللہ! بے شک میں نے آپ کی طرف سے نعمت، عافیت اور پردہ پوشی کی حالت میں صبح کی، لہٰذا آپ مجھ پر اپنے انعام اور اپنی عافیت اور اپنی پردہ پوشی دنیا اور آخرت میں مکمل فرمائیے۔

فائدہ: جو شخص صبح اور شام کے وقت تین مرتبہ یہ دعا پڑھ لے تو اللہ تعالیٰ اُس پر اپنی نعمت مکمل کر دیتے ہیں۔ (شام کو 'أَصْبَحْتُ' کی جگہ 'أَمْسَيْتُ' کہے)

(ابن السنی فی عمل الیوم واللیلۃ: 55)

ترجمہ: اے اللہ! جو بھی نعمت میرے ساتھ یا آپ کی مخلوق میں سے کسی کے ساتھ صبح کے وقت ہے وہ تنہا آپ ہی کی طرف سے ہے، اُن میں آپ کا کوئی شریک نہیں ہے، لہٰذا تمام تعریفیں آپ ہی کے لیے ہیں اور شکر گزاری آپ ہی کے لئے ہے۔

فائدہ: جو شخص صبح کے وقت ایک مرتبہ پڑھ لے تو اُس نے اُس دن کی نعمتوں کا شکر ادا کر لیا، اور جو شام کو پڑھ لے تو اُس نے اُس رات کی نعمتوں کا شکر ادا کر لیا۔ (شام کو 'أَصْبَحَ' کی جگہ 'أَمْسٰى' کہے)

(ابوداؤد: 4/318)

ترجمہ: اے ہمیشہ زندہ رہنے والے، اے مخلوقات کو قائم رکھنے والے! میں آپ سے آپ کی رحمت ہی کے ذریعے مدد طلب کرتا ہوں، آپ میرے تمام احوال درست فرما دیجئے اور مجھے ایک بار آنکھ جھپکنے کے برابر میرے نفس کے حوالے نہ فرمائیے۔

فائدہ: جو شخص اِس کو صبح و شام ایک مرتبہ پڑھ لے تو گویا اُس نے دنیا اور آخرت کی بھلائیاں مانگ لیں۔

(حاکم: 1/730)

ترجمہ: اللہ کے نام کے ساتھ میں نے صبح کی (شام کی) جس کے نام کی برکت سے کوئی چیز نقصان نہیں پہنچاتی، زمین میں اور نہ آسمان میں، اور وہی خوب سننے والا اور بڑا جاننے والا ہے۔

فائدہ: جو شخص اِس دعا کو تین مرتبہ پڑھ لے تو کوئی چیز اُس کو نقصان نہیں پہنچائے گی اور ابوداؤد کی روایت میں ہے کہ اُس کو ناگہانی مصیبت نہیں پہنچے گی۔

(ابوداؤد و ترمذی — حدیث حسن صحیح)

ترجمہ: میں پناہ لیتا ہوں اللہ کے پورے کلمات کی ہر اُس مخلوق کے شر سے جس کو اُس نے پیدا کیا۔

فائدہ: صبح و شام تین مرتبہ پڑھنے سے ہر مخلوق کے شر سے حفاظت ہوتی ہے۔

(ابوداؤد ، ترمذی ، مسلم)

ترجمہ: اے اللہ! میں آپ سے اچانک کی بھلائی کا سوال کرتا ہوں اور اچانک کی برائی سے آپ کی پناہ مانگتا ہوں۔

فائدہ: جب کسی معاملہ میں کوئی خبر ملنے والی ہو یا کوئی نیا واقعہ پیش آنے والا ہو تو یہ دعا پڑھے۔ حدیث میں ہے کہ حضور ﷺ صبح کے وقت یہ دعا کیا کرتے تھے۔

(کتاب الاذکار ص 104)

ترجمہ: اے اللہ! میرے بدن کو درست رکھئے، اے اللہ! میرے کان عافیت سے رکھئے، اے اللہ! میری آنکھ عافیت سے رکھئے، آپ کے سوا کوئی عبادت کے لائق نہیں ہے۔ اے اللہ! میں کفر اور محتاجگی سے آپ کی پناہ مانگتا ہوں اور قبر کے عذاب سے آپ کی پناہ مانگتا ہوں، آپ کے سوا کوئی عبادت کے لائق نہیں۔

فائدہ: صبح اور شام کے وقت تین مرتبہ پڑھیے، اُمید ہے کہ اللہ تعالیٰ پڑھنے والے کو ہر لحاظ سے عافیت میں رکھیں گے۔

(ابوداؤد: 4/324)

ترجمہ: اے اللہ! آپ ہی میرے پالنہار ہیں، آپ کے سوا کوئی عبادت کے لائق نہیں ہے۔ آپ ہی نے مجھے پیدا کیا اور میں آپ کا حقیقی غلام ہوں، اور جہاں تک میرے بس میں ہے میں آپ سے کئے ہوئے عہد اور وعدے پر قائم ہوں۔ آپ کی پناہ چاہتا ہوں اُن تمام بُرے کاموں کے وبال سے جو میں نے کئے ہیں، میں آپ کے سامنے آپ کی اُن نعمتوں کا اِقرار کرتا ہوں جو مجھ پر ہیں، اور مجھے اعتراف ہے اپنے گناہ کا، اِس لئے میرے گناہوں کو معاف کر دیجئے، کیونکہ آپ کے سوا کوئی گناہوں کو نہیں بخشتا۔

فائدہ: جو شخص یقین کے ساتھ یہ دعا صبح کے وقت پڑھ لے اور اُسی دن اُس کا انتقال ہو جائے تو جنت میں داخل ہوگا، اِسی طرح جو شام کے وقت پڑھ لے اور اُسی رات اُس کا انتقال ہو جائے تو جنت میں داخل ہوگا۔

(بخاری: 8/67)

ترجمہ: اے اللہ! میں آپ سے عافیت مانگتا ہوں دنیا اور آخرت میں۔ اے اللہ! میں آپ سے معافی اور سلامتی مانگتا ہوں میرے دین میں، میری دنیا میں، میرے گھر والوں میں اور میرے مال میں۔ اے اللہ! میرے عیب ڈھانپ لے اور خوف کی چیزوں سے مجھے بے فکر کر دے۔ اے اللہ! میری حفاظت کر میرے آگے سے، میرے پیچھے سے، میرے دائیں سے، میرے بائیں سے اور میرے اوپر سے، اور میں آپ کی عظمت کی پناہ لیتا ہوں اِس سے کہ ہلاک کیا جاؤں میرے نیچے سے۔

فائدہ: حضور ﷺ نے زندگی بھر یہ دعا کبھی بھی نہیں چھوڑی۔ ہر قسم کی عافیت کا نبوی نسخہ ہے۔

(ابوداؤد: 4/318)