نماز کی مسنون دعائیں

ترجمہ: اے اللہ! میں تیری پناہ پکڑتا ہوں جہنم کے عذاب سے، قبر کے عذاب سے، زندگی اور موت کے فتنے سے اور مسیح دجال کے فتنے کے شر سے۔

فائدہ: یہ دعا ضرور پڑھنی چاہیے، کیونکہ اس کے پڑھنے کا رسول اللہ ﷺ نے حکم دیا ہے اور اسی لیے بعض علماء نے اسے فرض قرار دیا ہے۔

(مسلم: 128/588 — بخاری: 832)

ترجمہ: اے اللہ! میں نے اپنی جان پر بہت ظلم کیا اور تیرے سوا کوئی گناہ معاف نہیں کر سکتا، پس مجھے اپنی خاص مغفرت سے بخش دے اور مجھ پر رحم فرما، بلاشبہ تو ہی بخشنے والا، بے حد رحم کرنے والا ہے۔

فائدہ: سلام سے پہلے پڑھی جانے والی مسنون دعا ہے۔

(بخاری: 834 — مسلم: 2705)

ترجمہ: اے اللہ! تو مجھے بخش دے جو میں نے پہلے گناہ کیے اور جو پیچھے کیے، اور جو میں نے چھپا کر کیے اور جو علانیہ کیے، اور جو میں نے زیادتی کی، اور جسے تو مجھ سے زیادہ جانتا ہے (وہ بھی معاف فرما)۔ تو ہی (عزت میں) آگے کرنے والا ہے اور تو ہی پیچھے کرنے والا ہے، تیرے سوا کوئی معبود نہیں۔

فائدہ: نبی ﷺ سلام سے پہلے یہ دعا مانگا کرتے تھے۔

(مسلم: 771)

ترجمہ: اے اللہ! میں تجھ سے سوال کرتا ہوں اس بنا پر کہ تو واحد، اکیلا اور بے نیاز ہے، جس نے نہ کسی کو جنا، نہ وہ جنا گیا اور نہ اس کا کوئی شریک ہے، یہ (سوال) کہ تو میرے گناہ معاف فرما دے۔ یقیناً تو ہی بخشنے والا، بے حد مہربان ہے۔

فائدہ: ذکر کے بعد مانگی جانے والی مسنون دعا ہے۔

(نسائی: 1302 — صحیح)

ترجمہ: دعائیں پڑھنے کے بعد دائیں طرف چہرہ پھیریں اور کہیں: السلام علیکم ورحمۃ اللہ، پھر بائیں طرف چہرہ پھیریں اور کہیں: السلام علیکم ورحمۃ اللہ۔

فائدہ: رسول اللہ ﷺ اس حد تک چہرہ پھیرتے تھے کہ آپ کے رخساروں کی سفیدی دیکھی جاتی تھی۔ ایک اور طریقہ یہ بھی ہے کہ دائیں جانب ”اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهٗ“ اور بائیں جانب ”اَلسَّلَامُ عَلَيْكُمْ وَرَحْمَةُ اللهِ“ کہیں۔

(ابوداؤد: 996، 997 — صحیح)

ترجمہ: اے اللہ! مجھے ہدایت دے کر ان لوگوں میں شامل کر لے جنہیں تو نے ہدایت سے نوازا ہے، اور مجھے عافیت دے کر ان لوگوں میں شامل کر لے جنہیں تو نے عافیت بخشی ہے، اور مجھے اپنا دوست بنا کر ان لوگوں میں شامل کر لے جنہیں تو نے اپنا دوست بنایا ہے، اور جو کچھ تو نے عطا فرمایا ہے اس میں میرے لیے برکت ڈال دے، اور مجھے اس شر سے محفوظ رکھ جس کا تو نے فیصلہ فرمایا ہے۔ بلاشبہ تو ہی فیصلے صادر کرتا ہے، تجھ پر کسی کا حکم نہیں چلتا، وہ کبھی ذلیل نہیں ہو سکتا جس کا تو والی بن جائے اور وہ کبھی عزت نہیں پا سکتا جس کا تو دشمن بن جائے۔ اے ہمارے رب! تو ہی برکت والا اور بلند و بالا ہے۔

فائدہ: وتر کی نماز میں قنوت کے وقت پڑھی جانے والی ثابت شدہ دعا ہے۔

(ابوداؤد: 1425 — نسائی: 1746 — ترمذی: 464 — ابن ماجہ: 1178 — بیہقی: 209/2 — صحیح)

ترجمہ: اے اللہ! میں تیری رضا کے ساتھ تیری ناراضی سے پناہ طلب کرتا ہوں اور تیری بخشش کے ساتھ تیری پکڑ سے، اور میں تجھ سے (یعنی تیرے غیظ و غضب سے) تیری (رحمت کی) امان چاہتا ہوں۔ میں تیری مکمل ثنا بیان نہیں کر سکتا، تو ویسا ہی ہے جیسے تو نے خود اپنی ثنا بیان کی ہے۔

فائدہ: قنوتِ وتر میں یہ دعا بھی ثابت ہے۔

(ابوداؤد: 1427 — نسائی: 1748 — ترمذی: 3566 — ابن ماجہ: 1179 — صحیح)

ترجمہ: پاک ہے بادشاہ، نہایت پاک۔

فائدہ: رسول اللہ ﷺ نماز وتر سے سلام پھیرتے تو تین مرتبہ یہ کلمات پڑھتے، اور تیسری مرتبہ بلند آواز سے پڑھیں۔

(ابوداؤد: 1430 — نسائی: 1734، 1735 — صحیح)